María Xosé Porteiro

María Xosé Porteiro
	;
Biografía
Nacemento	(es) María José Porteiro García ; 25 de maio de 1952 (72 anos); Madrid, España
Deputada de España
	29 de marzo de 2004 – 28 de setembro de 2007 – Francisco Veiga Soto → ; Lexislatura: VIII lexislatura de España ; Circunscrición electoral: Pontevedra ; Electa en: Eleccións Xerais 2004 en España
Datos persoais
Educación	Universidade de Vigo
Actividade
Ocupación	escritora, política, xornalista
Familia
Fillos	Llerena Perozo Porteiro, Ozo

María Xosé Porteiro García, nada en Madrid o 25 de maio de 1952,^[1] é unha xornalista, política e escritora galega de narrativa e ensaio. Licenciada en Publicidade e Relacións Públicas pola Universidade de Vigo.

Traxectoria

Naceu na capital de España de pai galego e nai asturiana. Pasou a súa infancia en Cuba^[2] ata que a súa familia se instalou en Vigo. É licenciada en Publicidade.

Foi directora de INCOLSA, do Museo del Ferrocarril de Madrid e da Dirección de Comunicación da Fundación de los Ferrocarriles Españoles.^[3] Desde 1999 ata xullo de 2001, foi directora xerente da empresa pública municipal do Concello de Santiago "Información y Comunicación Local, S.A.", desde a que dirixiu a promoción da "Capitalidad cultural europea" do ano 2000. Pertenceu ao primeiro consello de administración de TVE Galicia.^[4]

Traballou na emisora de radio La Voz de Vigo e no xornal El Pueblo Gallego. Dirixiu o espazo informativo A bisbarra en Radio Popular de Vigo (1981-1985). Como periodista e escritora publica na La Voz de Galicia, El País e Tiempo. Foi xefa do Departamento de Prensa do Concello de Vigo.

Concelleira polo PSdeG en Vigo, foi tenente de alcalde (1987-1991) e (2003-2006),^[5] deputada no Parlamento de Galicia (1989-1997) e no Congreso dos Deputados (2004-2007), onde foi voceira adxunta da comisión de exteriores. Desde o 1 de outubro de 2007 ata abril de 2009 foi delegada da Xunta de Galicia na Arxentina. Membro das Asembleas Parlamentarias do Consello de Europa. Desde xullo dese ano foi a directora do Museo del Ferrocarril de Madrid, posto que abandonou en 2010 para facerse cargo da dirección de Comunicación da Fundación Ferrocarriles Españoles.

En agosto do 2019 co apoio do Partido Popular e do Partido Socialista de Galicia é designada polo Parlamento galego como adxunta á Valedora do Pobo ^[6]^[7]^[8]. Desde 2019 é coordinadora do Centro de Documentación en Igualdade e Feminismos do Consello da Cultura Galega (antes Comisión de Igualdade).

Presenta autores e autoras e realiza moderación como conferenciante de coloquios literarios no Club Faro de Vigo^[9]^[10]^[11] e no Centro de Documentación de Recursos Feministas de Vigo^[12].

Como escritora de ficción histórica destaca Sándalo, unha novela onde a autora recolle douscentos anos de percorrido na historia colectiva.^[13]^[14]

Obra en galego

Novela

Covardes (2001). Vigo: Ir Indo. 190 páxs. ISBN 9788476803615. Traducida ao castelán: Cobardes (2003, Ir Indo).^[15]^[11]^[16]
Sándalo (2019). Vigo: Galaxia. 400 páxs. ISBN 978-84-9151-319-3.^[14]^[17]^[18]^[19]. Traducida ao castelán: Sándalo (2020, Ed. Mar Menor, editorial do grupo Galaxia). ^[17]^[18]^[20]
Buscando a Clara (2019). Vigo: Ed. Elvira.^[21]^[22] Da colección Historias para coñecermos Vigo. 60 páxs. ISBN 978-8494878640.
Presentación de Tabiba en Bueu o 8 de xuño de 2023. O editor Xabier Romero, a escritora Anna R. Figueiredo, a autora do libro e o escritor Santiago Ferragud. Organizador: Libraría Miranda.
Tabiba (2023). Vigo: Ed. Elvira. 144 páxs. ISBN 9788412633450.^[23]

Obras colectivas

Celso Emilio Ferreiro, compañeiro do vento e das estrelas (1981). Colección Arealonga, Akal).^[24]
Quen é quen no Parlamento de Galicia (1981). Xerais.^[24]
Narradio: 56 historias no ar (2003). Xerais.^[25]
100 Galicia cen. Obxectos para contar unha cultura. (2016). Edita Ramón Villares Paz.^[26]
Manuel Antonio e mais nós. Homenaxe a Manuel Antonio (2019). Ed. Hércules de Ediciones.^[27]
Libres e vivas (2021). Galaxia. 196 páxs. ISBN 978-84-9151-586-9.^[28]

Obra en castelán

Ensaio

Vine, vi y ... ¡hablé!. Las mujeres frente al discurso público (2012). Auga Editora. 162 páxs. ISBN 9788493825386.

Premios

Premio Ernestina Otero 2020 concedido na cidade de Vigo polo seu labor e traxectoria.^[29]
En xullo de 2009 o Consello de Ministros de España acordou concederlle a Encomenda ao Mérito Civil pola súa aportación á política exterior española.^[4]
En 2023 premio Alecrín da Cultura das entidades culturais galegas en Cataluña.^[30]

Notas

↑ "María Xosé Porteiro". www.aelg.gal. Consultado o 26/2/2019.
↑ Porteiro, María Xosé. “Para dar cun relato da emigración, hai que loitar contra o esquecemento, contra a amnesia inducida e sen mitificar nada”. Praza Pública. Entrevista con Alberto Ramos. Consultado o 24 de xuño de 2019.
↑ "Porteiro, María Xosé". Editorial Galaxia. Consultado o 2023-06-08.
↑ ^4,0 ^4,1 "María Xosé Porteiro García Galegos Gallegos". galegos.galiciadigital.com. Consultado o 2023-06-08.
↑ "María Xosé Porteiro presenta su renuncia como edil y será sustituida por Abel Losada". Faro de Vigo (en castelán). 31/10/2006. Consultado o 26/2/2019.
↑ Iglesias, Luis (2019-08-25). ""No es un reto, es una oportunidad maravillosa" María Xosé Porteiro". Cadena SER (en castelán). Consultado o 2019-12-16.
↑ Redacción (2019-08-01). "El Parlamento gallego elige a María Xosé Porteiro como adjunta a la Valedora do Pobo". España Exterior (en castelán). Consultado o 2019-12-16.
↑ "El PSdeG propone a María Xosé Porteiro como adjunta a la valedora do Pobo". Atlántico (en castelán). 2019-07-30. Consultado o 2019-12-16.
↑ Ocampo, Elena. "Traba y Oliveira: "El sexismo pervive en sentencias como 'la manada' de Manresa"". www.farodevigo.es (en castelán). Consultado o 2020-02-06.
↑ "Suspiros de España: El nacionalismo español, 1808-2018, Charlas y Conferencias en Vigo – Ocio en Faro de Vigo". ocio.farodevigo.es. Arquivado dende o orixinal o 06 de febreiro de 2020. Consultado o 2020-02-06.
↑ ^11,0 ^11,1 Franco, Fernando. "De las casas de lenocinio, holganza y malvivir". www.farodevigo.es (en castelán). Consultado o 2020-02-06.
↑ "María Xosé Porteiro presenta «Sándalo»". La Voz de Galicia (en castelán). 2019-10-22. Consultado o 2020-02-06.
↑ "A MÁIS LATINOAMERICANA DAS NOVELAS GALEGAS". Tempos Dixital. 2019-09-15. Arquivado dende o orixinal o 06 de febreiro de 2020. Consultado o 2020-02-06.
↑ ^14,0 ^14,1 "Ramón Nicolás escribe sobre Sándalo, de María Xosé Porteiro". Editorial Galaxia. 2019-06-04. Consultado o 2020-02-06.
↑ "Cobardes". bibliotraducion.uvigo.es. Arquivado dende o orixinal o 12 de setembro de 2019. Consultado o 2019-07-04.
↑ "María Xosé Porteiro guía un paseo literario por O Calvario". Faro de Vigo (en castelán). 23/4/2017.
↑ ^17,0 ^17,1 Región, La (2019-06-10). "María Xosé Porteiro: “Vuelve el momento de entender lo que es irse de casa, la emigración"". La Región (en castelán). Consultado o 2019-12-16.
↑ ^18,0 ^18,1 OpenHost,SL. "María Xosé Porteiro: “De la emigración gallega no sabemos nada, pero debemos sentirnos muy orgullosos”". Crónicas de la Emigración (en castelán). Consultado o 2019-12-16.
↑ Adán, Carme (xullo, agosto, setembro 2019). "Relatos de vida ou a paixón da liberdade". Grial LVII (223): 77–78. ISSN 0017-4181.
↑ OpenHost,SL. "Consuelo Rumí y Pilar Pin arropan a María Xosé Porteiro en la presentación de su novela ‘Sándalo’ en Madrid". Crónicas de la Emigración (en castelán). Consultado o 2020-02-06.
↑ "BUSCANDO A CLARA Candeán - Cabral - A Madroa de Porteiro, María Xosé: ELVIRA EDITORIAL 9788494878640 - Imosver". www.iberlibro.com (en castelán). Consultado o 2020-02-06.
↑ Región, La (2019-06-10). "María Xosé Porteiro: “Vuelve el momento de entender lo que es irse de casa, la emigración"". La Región (en castelán). Consultado o 2020-02-06.
↑ Sanmartín, Xabier (2023-05-08). "La escritora y periodista María Xosé Porteiro presenta ‘Tabiba’". El Correo Gallego (en castelán). Consultado o 2023-06-08.
↑ ^24,0 ^24,1 Con Xosé Antonio Perozo.
↑ "Marilar Aleixandre". www.aelg.gal. Consultado o 2020-02-06.
↑ "100 Galicia cen. Obxectos para contar unha cultura". consellodacultura.gal (en inglés). Consultado o 2020-02-06.
↑ "Manuel Antonio e mais nós. Homenaxe a Manuel Antonio". Hércules Ediciones (en castelán). Arquivado dende o orixinal o 06 de febreiro de 2020. Consultado o 2020-02-06.
↑ "Libres e vivas". Editorial Galaxia. Consultado o 2021-02-10.
↑ "María Xosé Porteiro, premio Ernestina Otero por el 8-M". Atlántico (en castelán). 2020-02-28. Consultado o 2020-02-28.
↑ Press, Europa (2023-08-07). "O Festival de Cans recibe este mércores o premio Alecrín da Cultura das entidades culturais galegas en Cataluña". www.europapress.es. Consultado o 2023-08-08.

Véxase tamén